Chaidh an dàn a sgrìobh Bàrd-cùirte na h-Alba Edwin Morgan gus fosgladh togalach Pàrlamaid na h-Alba a chomharrachadh, a leughadh aig Taigh an Ròid a-rithist an t-seachdain-sa – anns a’ Ghàidhlig.

Chaidh an dàn ‘Open The Doors!’ (‘Fosglaibh na Dorsan!’) eadar-theangachadh leis an ùghdar Rody Gorman a leughas e aig bogadh Plana ùr Gàidhlig 5-bliadhna na Pàrlamaid air Diardaoin 20 Samhain.

Bìdh an aithris seo a’ comharrachadh toiseach dà latha de thachartasan Gàidhlig aig Taigh an Ròid gus fàilte a chur air a’ phlana ùr.

Tha am plana a’ mìneachadh gheallaidhean bunaiteach na Pàrlamaid airson leudachadh a thoirt air na seirbheisean agus na goireasan Gàidhlig a thathar a’ toirt seachad don phoball.

Tha pròiseact sònraichte ùr air a chur ri chèile leis a’ Phàrlamaid gus guth a thoirt go dhaoine nach eil gan riochdachadh san àbhaist san t-saoghal phoilitigeach. Obrachaidh Pròiseact Com-pàirteachasan Coimhearsnachd Pàrlamaid na h-Alba le òigridh dall agus leth-dhall, òigridh doirbh-a-ruigsinn, agus daoine le dualchasan dubha agus bho mhion-bhuidhnean cinnidheach gus an cuideachadh le a bhith a’ dol an com-pàirt le agus a’ toirt buaidh air obair na Pàrlamaid. Thoir sùil air an fhios naidheachd no tadhail air duilleagan Pròiseact Com-pàirteachasan Coimhearsnachd gus barrachd fhaighinn a-mach.

Bidh tursan treòraichte do luchd-tadhail gan toirt seachad an-asgaidh bhon ath-bhliadhna. Bhon t-Sultain 2009 cha bhi aig a’ Phoball ri pàigheadh airson tursan treòraichte aig Taigh an Ròid. Le bhith a’ cur às don chosgais sin bidh deireadh leis an aon phàirt riaghailteach de chom-pàirteachadh leis a’ Phoball nach eil an-asgaidh aig an àm seo do luchd-tadhail. Thoir sùil air an fhios naidheachd airson barrachd fiosrachaidh.   

Tha a’ Phàrlamaid air duilleagan Saorsa-fiosrachaidh ùr leasaichte a chur air bhog agus iad air an cur ri chèile gus cothrom fhaighinn gun dàil a-nis air fiosrachadh a thathar a' leigeil mu sgaoil fo laghan Saorsa an Fhiosrachaidh. Thuirt an t-Oifigear-riaghlaidh Ailig MacFhearghais BPA : “Tha an leasachadh seo, a bheir cothrom gun dàil do na h-uile air fiosrachadh a thathar a’ leigeil mu sgaoil mu Shaorsa-fiosrachaidh, a’ cur cuideim air rùn Pàrlamaid na h-Alba mu bhith fosgailte agus follaiseach.”